SAUDADES

by. Lalatak Domin

25-01-2024

Saudades, konotasia hanesan lapijera no suratahan

Hau foti lapijera depois hahu dulas ho neneik

Nia dansa ho mamar iha suratahan nebe simplis

Hasara tuir arte liman, pinta liafuan hodi forma fraze

Iha iluminadu ho lalais hau kaer lalatak o nia figura

Maibe, lalatak ida nebe hau labele liman kona,

Tanba distancia mak  haketak ita

Nunee distancia haburas saudades,

Saudades nebe la sukat tempu atu kura.

SENTIMENTU DOMIN

Anin kalan tatoli lia dame, unidade no domin;

Laloran tasi kalan nee hakma los iha hw fuan

Maibe lalatak o neon iha espiritu hw domin;

Haforsa hw fiar ba moris loron aban.

Iha nee hw fuan tatuduk;

Husi anin husu o diak ka lae;

Liu fitun kalan dalen katak o triste hela;

Halo fulan nia roman nakfilak nakukun;

Hanesan hw fuan senti mos o nia tristeza nee.

Hw hatene, maske o mos hatene;

Tasi nia luan sukat la hotu;

Foho nia aas sae la biban;

Maibe matan nee fihir hatete o nia sentimentu;

Domin rohan laek.

I love you.

By,  Lalatak Domin 04-08-2019

 Puzia badak

Sei lakon iha loron ida.

Ohin hau ema bain-bain

Moris husi domin, no hau iha domin

Atu halao domin iha hw nia moris

Hamutuk ho o too loron naruk.

Hau ohin sai o nia tentasaun

Husi o neon hau domin folin laek

Hakerek istoria halo makerek

Katak o iha hau nia hanoin.

Pasa husi loron ba kalan

Loron ida hau sei lakon

Lakon hori ohin ba oin

Husi mundu nia furak,

Katak laiha ona hau iha o neon.

By Lalatak domin.

08-17-2019

 

SENTIMENTU DOMIN MAK KANEK

By Lalatak Domin 05012024

Hau Moras, 

Hau Kanek, 

Hau despontadu

waihira o hare ho matan sorin kona ba hau nia domin.

Hau senti luta mesak,

wainhira o dizamina hau nia kuidadu ba o,

wainhira o la konsidera ona hau iha,

wainhira o hatun hau nia dignidade ho domin bosok.

Hau nia fuan moras,

laran tanis,

tanba o nunka tau domin ba hau,

tanba o uza hau ba o nia passadu deit.

Hau laiha razaun forte

atu kontinua iha ba o,

atu nafatin iha o nia sorin,

sein iha domin nebe los husi o nia fuan.

Maibe, loron ida

karik o arepende ba hahalok hotu

hau nia fuan nafatin nakloke ba o atu fila.

maske, kanek nee moras hau senti,

maske despontadu nee habosok nafatin hau,

maibe hau perdua, ba razaun domin

hadomi o too hau mate.

 

DESPEDIDA

By. LalatakDomin.....05-01-2024

Triste…..

Nee mak hau nia kondisaun, wainhira o deside atu ba la fila ona

Hau la-kumpriende o nia hakarak, tanba sa buat hotu difisil ba hau?

Maske itrua maduru ona, no iha komitmentu atu hamutuk nafatin

 

Maibe……..

Akompaña ho mudansa tempu, 

O mos troka domin ho egoista

Hodi troka ksolok ho matawen.

Matan wen nee hanesan sasin ba hau fuan

Husi liafuan despedida husi o ibun,

Despedida ida nebe hakanek hau fuan

 

Lakon ona hau nia mehi…..

atu hakotu hau nia vida hamutuk ho o

Lakon ona hau nia esperansa, atu kuidadu o durante hau nia moris.

Hau nia liafuan ikus, saida deit mak o nia laran tuduk ba

o bele hetan ksolok, ba’sa hau labele atu oferese ksolok ba o

 

Adeus amor……

katak hau bele hamrik firme, antes destinu nee too

bele hamrik metin ho kanek ida nee, ho matan wen nebe sei lahotu, tanba  o domin

Espera o kontenti no ksolok, ida nebe o rasik hili ona

no obrigado wain tanba mai ona iha hau nia moris

Maske lori tenpu nebe badak maibe sentidu ho kanek laiha ran.

 

 

 

At my Graduation Ceremony at Pre-Scholar São Domingos de Gusmão, Beto, Dili, Timor-Leste

Obrigada Professora

Molok ami moris iha mundu
Buat hotu mesak nakukun
Ami matan delek, ami neon laek
Ami lahatene sá maka sentidu moris nee.

Ohin ami matan nakloke
Hare mundu nia naroman
Ami bele sura 1,2, no 3
Ami mós bele lee A,B C.

Nee laós tamba ami, nee tamba imi
Dala barak ami la rona, ami la tuir
sá maka imi hanorin?
Maibe, ho imi nia pasensia, ho imi nia domin
Ohin hetan ami nia mehi.

Obrigada Professores no Madre hotu
La iha kariedade ami fo fila
maibe, ami nia orasaun ba imi nia moris naruk.


Writen by Desperado GS