Né sei sai hanesan desafius ba desenvolvimentu ita nia aán rasik,
Basâ nia sei lahusik ita livre, maski né halo ita laran moras.
Se karik ita labele husik trauma né, entaun koko husu ba ita nia aán rasik
“terus hira maka hau persija tan hodi haterus hau nia aán?
Bele ga trauma né harahun hau nia vida moris?
Se maka sai sasin no mandatori ba ita nia vida? Ita nia aán ga trauma?”
Hare no halo komparasaun ba
Aitah aán hirak nebé monu lafungsi ona tuir ita hare
Maibe nia sei bele fo moris hikas ba nia hun rasik
Atu nuné nia orgaun hirak nebé mate bele moris ho buras
Buat hotu iha mundu né, hanesan matan dalan ba vida moris
Moris tuan sei haketak hosi ita aán, atu simu fali moris, foun ba vida foun
Basa moris tuan nebé sai desafius, persija haketak tiha
Atu nuné ita bele hakat pasu ida ba oin hodi hetan moris foun.
Buat hirak né hotu bele alkansa hosi ita nian hanoin rasik.
Trauma vida pasado, tansa tengki lao nafatin iha ita vida lor-loron?
Haluha tiha trauma no vida passadu né, maski né todan tebes
Maibe hanoin ba, katak se ita lahusik nia sei harahun ita nia moris.
Maluk doben sira,, hanoin ba
Katak ema nebé maka sai liurai (raja) ba moris,
Maka ema nebé bele haluha vida tuan
hodi hateke potensia vida ba loron ikus
ema nebé lakohi atu hadia vida moris ba loron naruk, maka
ema nebé laiha prinsipiu moris, no lahatene agradese ba oportunidade MAROMAK nian.
Se ita hakarak pasa vida ida né ho hanoin tempu uluk
Nuné mos wainhira ita laran taridu ba ita moris tuir mai
Entaun ita laiha tempu atu agradese ba moris hirak nebé ita iha ona.
Iha tempu ita senti trisite, terus no tanis
Tur no hateke toók iha ita nia sor-sorin,
Dalaruma sei iha ema barak mak triste liu, terus liu ita, i pior liu
Sira sei hetan aihan dala ida iha loron ida,
Sira sei lakastigu sira nia aán rasik, maibe sira agradese ba vida ida né
Tansa ita tengki triste no hakesik ita vida ba hahalok hirak nebé liu tiha ona?
Ita tengki forte atu hasoru obstaklu vida moris ba futuru
Nuné ita bele manan vida loron uluk no bele feliz iha vida loron ikus.
Hakerek Nain,,, Chico Silva
Matenek sai matan dalan hodi leno ba ema tomak
04/09/2012
